Anbayya Ranar Da Za'a Fara Aiki Da Kudin Internet (eNaira) a Najeriya

Shugaban kasa Muhammadu Buhari zai kaddamar da Shirin Digital currency wanda ake kira eNaira, wanda shine alamar fara aiki da sigar dijital Naira(NGN) a Najeriya.

Wata sanarwa daga Daraktan Babban Bankin CBN Bangaren Mista Osita Nwanisobi a ranar Lahadin da ta gabata ta ce kaddamar da eNaira ya samo asali ne daga babban binciken da babban bankin ya yi don saukaka tsarin mu'amala ga 'yan Najeriya.

Babban Bankin ya kuma fayyace cewa eNaira ba dandalin saka hannun jari bane amma sigar kudin zahiri ne, saboda ta yi manyan ayyuka tare da masu ruwa da tsaki a cikin bankin, 'yan kasuwa da fasahar kuɗi (fintech) da masu amfani.

Da take magana game da kudin lantarki a cikin sanarwar, Nwanisobi ya ce: Tun da eNaira sabon samfuri ne, kuma daga cikin CBDCs na farko a duniya, mun sanya tsari don magance duk wata matsala da ka iya tasowa daga  eNaira.