Kalli Hoton dankareriyar motar da mijin Adama Indimi ya gwangwajeta da ita

Hamshakin mai kudin nan, mijin Adama Indimi kuma yariman Kogi, Malik Ado-Ibrahim ya gwangwaje matarsa da kyautar mota a ranar da suka cika shekara daya da aure. 

Masoyan wadanda suke shagalin cika shekara daya tare a ranar Lahadi, 8 ga watan Augusta sun tafi wani wuri wanda basu bayyana ba don su cigaba da shagalin.

Kanwar Adama, Meram ce ta wallafa hoton kasaitacciyar motar a shafinta na Instagram inda ta rubuta: Na shiga so. Ku kasance a tare har abada InshaAllah 

View this post on Instagram

A post shared by KUWTI (@keepingupwiththeindimis)

Hakazalika, shafin 'yan gidansu Adama mai suna @keepingupwiththeindimis ya wallafa a instagram inda suke taya 'yar uwar tasu murnar wannan kyautar girman da aka yi mata. 

A shekarar da ta gabata ne aka yi gagarumin shagalin bikin diyar biloniyan Maiduguri da yarima Malik-Ado Ibrahim. An fara shagalin bikin a Borno kafin daga bisani a koma jihar Kogi inda aka shiryawa amarya Adama gagarumar liyafar cin abincin dare. 

Legit