Yan sanda sun cafke dillalan bindugu A jihar Katsina

‘Yan sanda a Jihar Katsina sun cafke wasu mutane hudu da suka kware wajen sayar da makamai ga masu aikata laifuka a Jihar.

Kwamishinan ‘yan sandan Jihar, Sanusi Buba ne ya bayyana hakan yayin gabatar wa manema labarai muggan makaman da suka kama, inda ya ce sun samu nasarar cafke ababen zargin ne ta hanyar tattaro bayanan sirri.

“Bayanan sirrin da muka samu sun taikama mana wajen kamo wani mutum mai shekaru 35 a kauyen Maduru da ke Karamar Hukumar Mani a Katsina.

“Mutumin ya kware wajen safarar makamai ga masu aikata laifi a Katsina da wasu makwabtan jihohi.

“A yayin bincike kuma mun sake gano mutane uku dake taimaka masa wajen safarar makaman, a kauyukan Sawarya da kuma Maduru.

Sai dai daya daga cikin masu laifin, ya amsa cewar shi ne shugabansu, kuma ya dade yana safarar makamai har zuwa Jamhuriyyar Nijar.

Sannan ya bayyana cewa ba zai iya tuna adadin makaman da sayar wa masu aikata laifuka ba, amma ya kiyasta sayar da makamai sama da 10,000 a cewarsa.

Biyu daga cikin wanda ke taimaka masa, sun bayyana wa ‘yan sanda cewa, su ne suke kai makamai yankunan Gurbi da Dan-Magaji da ke Jihar Zamfara.

Kwamishinan ‘yan sandan Katsina, ya kara da cewa an samu muggan makamai da suka hada da manyan bindigu, harsasai da tulin kudi da suka tasarma naira miliyan 3.4.

Kalli Hotunan makaman aqasa: