Mijina ya mutu a tsare a hannun yan sandan SARS akan Katin Waya na N200 - Matar Aure,
Wata bazawara kuma uwar ‘ya’ya biyu, Adebimpe Sobowale, ta bayyana a gaban kwamitin bincike na jihar Ogun kan cin zarafin‘ yan sanda da take hakkin bil adama a yau 19 ga watan Janairu,
Inda ta bayar da labarin yadda mijinta ya mutu yayin da ake zargin wasu jami’an rundunar SARA suna tsare da shi. A Zonal Intervention Squad a yankin Odeda na jihar kan katin recharge card na N200.
Da take bayar da labarinta a cikin hawaye, Adebimpe ta ce an kama ta a ranar 8 ga Fabrairu, 2020, kuma an kai ta wani dakin tsare masu manyan laifuka bisa zargin cewa an yi amfani da SIM 'din ta don aiwatar da aikin zamba.
“Sun yi amfani da wani abu, wanda ake sakawa a cikin soket din lantarki, don girgiza da tsorata ni, kuma sun nemi in rubuta duk abin da suka umarce ni a matsayin na aikata laifin. Sun ce ni na kasance cikin gungun masu damfara.
Sun ce da sim card dina aka yi amfani da shi wajen karbar recharge N200. Sun ce sun bibiye shi a ofishin Zain (Airtel) kuma ya kawo hotona. ”
Sobowale ta fada wa kwamitin cewa an sake ta kwana biyu bayan ta dage cewa ba ta da laifi amma an kama mijinta, wanda ya kwana daya kafin a sake ta.
“Na gaya musu ban san abin da suke magana a kai ba kuma na ki sanya kaina a cikin abinda suke tuhumata. Sun kama mijina a ranar 10 ga watan Fabrairu sannan suka sake ni washegari '' in ji ta.
“Bayan wasu kwanaki, sai aka sanar da ni cewa mijina ya mutu a tsare,” inji ta. Sobowale ta ce jami’an ‘yan sanda uku na SARS ne suka cafke ta amma kawai za ta iya tantance biyu daga cikinsu kuma ta tuna cewa dayansu ana kiran sa Insifekta Apiah Moses.
Ta fada wa kwamitin cewa har lokacin da ya mutu, mijinta mai sayar da katako ne a yankin Mowe da ke Jihar Legas.
Kwamitin ya dage sauraron karar zuwa ranar 4 ga watan Fabrairu yayin da aka bukaci wadanda ake kara da su gabatar da Sufeto Apiah Moses, wanda shi ne jami'in 'yan sanda mai bincike (IPO) a cikin karar.
Majiya: LindaInkejiBlog
KUKARANTA SABBIN LABARAI ANAN:
https://www.bzglobalservice.com.ng/
KU SAUKE MANHAJARMU TA WAYAR HANNU KYAUTA A WAYOYINKU DOMIN SAMUN SABIN LABARAI:
https://play.google.com/store/apps/details?id=bz.globalservice7
KUBIYOMU A SHAFUKAN SADARWA:
FACEBOOK: https://web.facebook.com/bzlabari24
0 Response to "Mijina ya mutu a tsare a hannun yan sandan SARS akan Katin Waya na N200 - Matar Aure, "
Post a Comment
Tell us what you think about this article?