Samari 11 yan jihar Jigawa sun mutu kan hanyar zuwa Kano rubuta jarabawan shiga Navy
Matasa 11 sun rasa ransu sakamakon hatsarin mota yayin da suke kan hanyarsu ta zuwa rubuta jarabawar shiga sojin ruwa NAVY a birnin Kano tarayyar Najeriya.
Matasan sun rasa ransu ne bayan motar da suke tafiya a ciki ta ci karon bazata da wata motar Tilera da ta tsaya a kan kan titi ba daidai ba ranar Asabar12 ga watan Disamba.
Wadanda suka rasu sun fito ne daga karamar hukumar Gagarawa na jihar Jigawa kamar yadda bayanin yansanda ya nuna.
Wani ganau ba jiyau ba ya ce lamarin ya faru ne a garin Ringim na jihar Jigawa kilomita 70 zuwa birnin Kano, inda suke haramar zuwa domin su rubuta jarabawar shiga NAVY.
Ya kara da cewa motar da matasan ke ciki kirar Gulf wagon, ta ci karon bazata ne da wata mota kirar Tilera da ke dauke da rake, kuma a ajiye ta a kan hanya ba daidai ba.
Kakakin hukumar yan sandan jihar Jigawa SP. Abdul Jinjiri, ya tabbatar da lamarin a wata sanarwa da Shelkwatan yansandan jihar ta fitar ranar Asabar.
DAGA ISYAKU.COM
SOURCE: LEGIT
0 Response to "Samari 11 yan jihar Jigawa sun mutu kan hanyar zuwa Kano rubuta jarabawan shiga Navy"
Post a Comment
Tell us what you think about this article?