Kalli Hotunan: Daurin auren Suleiman Fanshekara da Ba-Amurkiyya, Jenine, a Kano cikin annashuwa
A yau, Lahadi, ne aka daura aure matashi Suleiman da sahibarsa Jenine, 'yar asalin kasar Amurka - Ballewar annobar korona ce ta kawo tsaiko a auren Suleiman da Jenine wanda aka so yinsa tun farko-farkon 2020
A farkon shekarar nan ne Jenine ta dira a jihar Kano tun daga Amurka domin ganawa da Suleiman da shirya aurensu An daura auren matashi dan asalin jihar Kano, Suleiman Isah, da amaryarsa baturiyar kasar Amurka, Jenine Anne Reimann, a yau, Lahadi, a wani masallaci da ke cikin barikin 'yan sanda a unguwar Panshekara Kano.
Dandazon mutane ne suka halarci wurin taron daurin auren inda suka taya ma’auratan murna. Mahaifin ango da abokansa sun halarci daurin aure kuma sun bayyana farin cikinsu da jin dadi.
Ango da Amarya ma sun bayyana a wurin, sun yi magana da manema labarai. Freedom Radio ta watsa yadda aka daura auren da wasu shagulgula kai tsaye.
Sashen Hausa na BBC ya rawaito cewa tsohon sanatan jihar Kaduna ta tsakiya, Kwamred Shehu Sani, ne ya bayar da auren Jenine ga waliyyan Sulaiman; wato shine waliyyinta. Ango Suleiman ya biya N50,000 a matsayin sadakin auren Jenine, kamar yadda wani makusancinsa ya wallafa a shafinsa na tuwita.
Sulaiman Isa pays N50k dowry as he marries his American bride Janine Sanchez at Mopol 52 barracks mosque, Kano.
— Muhammad Sanusi (@abban_hajia) December 13, 2020
The couple met on Instagram and fell in love afterwards.
Senator Shehu Sani acted as the guardian of the bride.
Thank you @ShehuSani for been there with my friend. pic.twitter.com/FqYrjXOqjJ
Barkewar annobar Korona ce ta kawo tsaiko a auren Suleiman da Jenine wanda aka shirya yinsa a farko-farkon shekarar 2020. A farkon shekarar 2020 ne Jenine ta dira a jihar Kano don ganin masoyinta, Suleiman, a karo na farko, a zahiri, bayan haduwarsu a dandalin sada zumunta.
Batun aure da soyayyar Suleiman da Jenine sun haifar da cece-kuce da surutai saboda banbance da ke tsakaninsu. Bayan kasancewar Suleiman Bahaushe da aka haifa kuma ya ke zaune a Kano, batun banbancin shekarunsu ya zama abun surutu.
Suleiman matashi ne mai shekaru 23 da haihuwa yayi da Jenine keda shekaru 46 a duniya, wanda hakan ya nuna cewa shekarun Amarya Jenine sun ninka na angonta, Suleiman, sau biyu.
SOURCE: LEGIT
0 Response to "Kalli Hotunan: Daurin auren Suleiman Fanshekara da Ba-Amurkiyya, Jenine, a Kano cikin annashuwa "
Post a Comment
Tell us what you think about this article?