Wani ya kashe kansa a harabar ofishin hukuma saboda tarar N215,000

Hankula sun tashi a harabar Hukumar Kula da Cinkoson Ababen Hawa na Jihar Ogun, TRACE, a ranar Litinin 20 ga watan Yuli bayan wani mutum mai suna Fatai Salami ya kashe kansa a harabar hukumar. A cewar rahotanni,

Jami'an TRACE sun kama direban Salami ne ranar Alhamis 16 ga watan Yuli a Abeokuta saboda ya saba dokokin dakile annobar cutar coronavirus a jihar. An zargi cewa baya kiyaye dokar bayar da tazara a cikin motarsa kuma bai saka takunkumin rufe fuskarsa ba kamar yadda Linda Ikeji Blog ta ruwaito.

An kwace motarsa aka tafi da ita harabar hukumar TRACE sannan aka ci shi tarar N215,000. Nan take ya kira mai gidansa, Mr Salami domin sanar da shi abinda ya faru. Mr Salami ya iso harabar hukumar TRACE nan take inda har ya kwana a harabar hukumar yana rokon alfarma a saki motarsa da aka kama.

Rahotanni sun ce Salami ya kawo N150,000 amma jamian hukumar ba su karba ba. Hakan yasa ya yi barazanar zai kashe kansa amma ba a kula shi ba. Daga nan ya sha maganin kashe kwari ya mutu. Da ya ke tsokaci a kan lamarin, Kakakin hukumar TRACE, Babatunde Akinbiyi ya musanta cewa mutumin yana da mota kuma yace ba a ci tarar shi ba.

"Mutumin ba direban mota bane kuma bai mallaki mota ba. Mun ga shi ne kawai a wurin kuma da mutane suka bukaci ya tashi ya tafi sai ya ciro wani abu daga aljihunsa ya sha. "Daga baya mun gano cewa abinda ya sha maganin kashe kwari ne. An garzaya da shi babban asibiti inda ya mutu a can. An kai wa 'Yan sanda rahoto," a cewar Akinbiyi.

SOURCE: LEGIT.NG

TALLA: Sayi datar kowane network kamar: MTN, AIRTEL, GLO 9MOBILE mai inganci da rahusa latsa nan↓↓↓
Data Bundle Promo By BZ GLOBAL SERVICES

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

FACEBOOK: https://web.facebook.com/Bzglobalservice.com.ng/

TWITTER: https://twitter.com/bzglobalsevice

LATSANAN DOMIN SAMUN

 LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657