Dokin zuciya: Bidiyon yadda mai Keke Napep ya dambace da jami'an FRSC a Edo

Na'urar daukan hoto, ta hasko bidiyon wani direban babur mai kafa uku wanda aka fi sani da Keke Napep, yana dambacewa da wasu jami'an hukumar kiyaye hadurra ta kasa (FRSC).

Wannan lamari ya faru ne a kan babbar hanyar Benin zuwa Sapele da ke jihar Edo a Kudu maso Yammacin Najeriya. A bidiyon da jaridar Premium Times ta wallafa, mutumin ya hau dokin zuciya, inda ya tube kayan jikinsa daga shi sai dan gajeren wando,

kuma yayi kekam a kan saman motar jami'an na FRSC. Cikin fushi da ba a san dalilinsa ba, ya sanya matukin baburin mai kafa uku ya dare kan motar ma'aikatan kuma ya ce ba zai sauka ba.

Daga karshe mutumin ya daka tsalle ya cakumo daya daga cikin jami'an yana sinka masa naushi tare da yaga masa kaya, yana cewa sai da fa a kashe shi. Ganin wannan lamari ya sanya sauran abokan ma'aikacin suka mayar da martani na yi wa mutumin taron dangi, inda suka rika tafka masa mari da kuma lugude na naushi.

A cewar kakakin hukumar FRSC, Bisi Kazeem, ya ce wannan lamari ya auku ne da sanyin safiyar ranar Lahadi. Ya ce an kama mutumin da laifin sabawa dokar tuki. Babban jami'in hukumar ya ce a yayin dauki ba dadin da aka yi, mutum ya keta kayan aikin wani jami'i daya, gami da fashe gilashin gaba da lallata wasu bangarori na jikin motar ma'aikatar da dutse.

Mista Kazeem ya bayyana martanin jami’an na FRSC a matsayin wata dabara ta kare kai da ake amfani da ita don hana shi sake kai hari kan ma’aikatan da motar su. Mista Kazeem ya sanar da cewa, za a gurfanar da mutumin wanda tuni ya shiga hannu a gaban kotu kamar yadda doka ta yi tanadi.

Who Did This To Us?

The Authorities concerned should as a matter of Urgency look into this shameful act that took place in sapele road.. pic.twitter.com/yuy4yT0Ra3

— Okoro Ikechukwu (@Linobrownyy) July 18, 2020

 Source: Legit.ng

TALLA: Sayi datar kowane network kamar: MTN, AIRTEL, GLO 9MOBILE mai inganci da rahusa latsa nan↓↓↓
Data Bundle Promo By BZ GLOBAL SERVICES

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

FACEBOOK: https://web.facebook.com/Bzglobalservice.com.ng/

TWITTER: https://twitter.com/bzglobalsevice

LATSANAN DOMIN SAMUN

 LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657