Duba Hotunan Yanda Tauraruwa mai wutsiya ta fito fili cikin shekara 6,800
Saturday, 18 July 2020
Comment
Wannan tauraruwar da ake gani a saman gaɓar ruwan Molfetta da ke Italiya za ta gifta kusa da duniyar Earth a ranar 23 ga watan Yuli
Masu hangen sama sun hangi wata hamshaƙiyar tauraruwa mai wutsiya yayin da take tunkarar wajen duniyar Earth.
An gano tauraruwa Comet Neowise ne a ƙarshen watan Maris sannan ta zama ɗaya daga cikin taurari masu wutsiya na ƙarni na 21 da ake iya gani da ido.
Tauraruwar za ta kasance kusa da duniya a ranar 23 ga watan Yuli, amma duk da haka nisanta da duniyar zai kasance kilomita miliyan 103.
Ga wuraren da suka riga suka gan ta, abin da mutane ba su saba gani ba a rayuwarsu.
Tauraruwa Comet Neowiseta fara bayyana ne a ƙarshen watan Maris
An ɗauki wannan hoton ne da dare na sararin samaniyar Saltburn da ke Burtaniya.
Ana iya ganinta ne a samaniyar arewacin duniya - ƙasashen da ke Turai kenan da Amurka da Canada - jim kaɗan kafin faɗuwar rana da fitowarta.
Wasu daga cikin masu ido sosai sun samu damar ganinta da idonsu
Wasu mutanen da ke wajen Burtnaiya ma sun samu ganin ta.
An ɗauki wannan hoton na Neowise ne a saman wata coci a ƙasar Rasha.
Tauraruwar ba za ta sake wucewa ta kusa da duniya ba har sai nan da shekara 6,800, saboda haka wannan biki ne na rana guda ga duk wani mai rai a duniya a yanzu.
Mutane za su iya ci gaba da ganin tauraruwar cikin sauƙi yayin da watan Yuli ke ƙarewa
Wannan hoton tauraruwa mai wutsiya ne a saman duwatsun Rocca Calascio da ke Italiya.
Sai dai duk da haka za ku iya ganinta ba tare da amfani da wata na'ura ba - ko da yake dai za su taimaka.
Tauraruwa Neowise ta tsira da zuwanta kusa da rana na baya-bayan nan
Tauraruwar comet wani dutse ne da ke zagaye da ƙwallon rana. Tana cike da duwatsu da kuma ƙanƙara, waɗanda su ma suke ɗauke da iskar gas.
An ɗauki hoton tauraruwar a saman Duwatsun Montserrat da ke ƙasar Spain
An gano tauraruwar Neowise ne ta hanyar amfani da wata na'urar hukumar sufurin sararin samaniya ta NASA a ƙarshen watan Maris.
Lokaci na ƙarshe da ta zo kusa da rana ba ta samu wata matsala ba, yanzu kuma tana shirin komawa wajen zagayen ranar.
Tauraruwar na zagayawa ne sau ɗaya a cikin kusan shekara 6,800
Mutane daga lungu da saƙo na duniya na ta ganin ikon Allah cikin annashuwa. Wannan hoton yana nuna tauraruwar ne a saman birnin Harbin da ke yankin Heilongjiang na China.
Za ta ci gaba da tafiya zuwa yamnmacin samaniya a tsawon watan Yuli.
Sannan daga tsakiyar watan za a riƙa ganinta a tsawon dare baki ɗaya amma 'yar ƙarama kuma a ɓangaren arewa.
Daga nan kuma ta ɓace a yuƙurinta na ficewa daga zagayen rana.
Ana ganin hasken isowarta daga yankin gabashin samaniya a kusa da tashar zuwa sararin samaniya wato International Space Station
Kasancewar tauraruwa mai wutsiya ta fito fili, akwai yiwuwar a iya ganita a saman duniya.
An ɗauki wannan hoton ne a International Space Station.
Wani masanin taurari Ivan Vagner ya siffanta Tauraruwa Neowise a matsayin "wadda ta fi kowacce haske a cikin shekara bakwai da suka wuce. Ana iya ganin jelarta daga tashar sararin samaniya!"
SOURCE: BBCHAUSA
TALLA: Sayi datar kowane network kamar: MTN, AIRTEL, GLO 9MOBILE mai inganci da rahusa latsa nan↓↓↓
Data Bundle Promo By BZ GLOBAL SERVICES
KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com
KARANTA WASU SABBIN LABARAI ANAN: https://www.bzglobalservice.com.ng/
LATSANAN DOMIN SAMUN
KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657
0 Response to "Duba Hotunan Yanda Tauraruwa mai wutsiya ta fito fili cikin shekara 6,800"
Post a Comment
Tell us what you think about this article?