Bidiyo: Dan shekara 95 da ya ce bai taba aske gashin kan shi ba, mutane sun dauke shi abin bauta

Wani mutumi dan shekara 95 daga kasar Indiya jihar Karnataka, ya bayyana cewa bai taba aske gashin kanshi ba, wanda a yanzu haka yayi tsawo sosai da ya sanya dole ake nade mishi shi a dunkule mishi a kan shi.

A lokacin da aka hana zirga-zirga, mutane da dama sun damu saboda babu damar fita suyi aski, sai gashi shi kuma wannan bawan Allah ya bayyana cewa ya shafe kusan karni daya ba tare da ya taba yin aski ba.

Mutumin mai suna Doddapalliah, mutane da dama a garinsu na Molakalmuru, sun dauke shi a matsayin abin bauta, inda suke nade mishi gashin kan nashi a koda yaushe saboda ya samu damar yin tafiya kamar kowa.

A wani bidiyo da yake ta yawo, Doddapalliah, shi kanshi ya yarda cewa shi abin bauta ne, kuma bai taba koda wasa aske gashin kanshi ba, saboda tsoron rasa matsayinsa na abin bauta. Duk da dai cewa wannan tarin gashi na kanshi ya zama wahala ce a tare da shi, musamman ma idan aka yi la’akari da shekarunsa, yafi gane ya sanya mutane su nade mishi gashin shi da yaje a aske mishi.

A dan gajeren bidiyon, an nuno Doddapalliah yana nishi cikin jin ciwo yayin da mutane suke kokarin nade mishi wannan gashi nashi a kanshi.

Gashi dai yayi kamar an shafe lokaci mai tsawo ba tare da an wanke shi ba, ganin yadda ya nade waje daya.

Doddapalliah ba shine mutum na farko da aka fara bayyanawa da ya tara irin wannan gashin ba, akwai wani shi ma mai suna Sakal Dev Tuddu, shi ma daga kasar Indiya, wanda bai yanke gashin kanshi ba na tsawon shekara arba’in.

SOURCE: PRESSLIVES.COM

TALLA: Sayi datar kowane network kamar: MTN, AIRTEL, GLO 9MOBILE mai inganci da rahusa latsa nan↓↓↓
Data Bundle Promo By BZ GLOBAL SERVICES

KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

FACEBOOK: https://web.facebook.com/Bzglobalservice.com.ng/

TWITTER: https://twitter.com/bzglobalsevice

LATSANAN DOMIN SAMUN

 LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657