Sani Khalid: Gurgu marar kafa da ya kammala digiri a Jami’ar ABU da sakamako mafi daraja

A tsakiyar shekarar 2019 ne lokacin da wani matashin saurayi ya jawo hankulan mutane da dama a shafukan sadarwa, bayan wani ya wallafa labarin nasarar da ya samu duk kuwa da matsalar da yake fama da ita ta larura.

Wani mai suna Mahmoud Shu’aibu shine ya wallafa wannan gagarumar nasara da wannan mutumi ya samu a shafin Twitter, inda ya bayyana nasarar da saurayin mai suna Sani Khalid ya samu a jami’a.

A cewar Shu’aibu, mutumin wanda bashi da kafa ya kammala digirin shi da sakamako mafi daraja a bangaren kimiyya ta halitta wato (Biological Science) a turance a jami’ar Ahmadu Bello dake Zaria.

“Sani Khalid kenan daga jihar Katsina, wanda ya kammala karatu a fannin kimiyyar halittu, a jami’ar Ahmadu Bello Zaria, inda ya fita da maki CGPA 4.56 (sakamako mafi daraja) duk kuwa da cewa gurgune bashi da kafa.”

Meet Sani Khalid from Katsina state who graduated from dept of Biological Sciences of ABU Zaria with a CGPA of 4.56 ( 1st class honours) despite having no walking limbs.

Keep soaring higher, you're an inspiration man🏋️‍♂️
Retweet n like to celebrate dis great mind n a rare gem😍😍 pic.twitter.com/8KDVIpHe3k

— Mahmoud shuaib (@el_shuaybb) April 30, 2019

Wannan rubutu da Shu’aib ya wallafa mutane sunyi ta magana a kanshi, inda kowa ya dinga sanya albarka yana fadar albarkacin bakinsa.

Wannan dai na nuni da cewa dan Allah yayi mutum da matsala kowacce iri ce hakan ba yana nufin ba zai iya yin abinda wasu ke yi ba.

Maimakon Sani Khalid ya fara bin hanya da gidaje yana yin bara, ya gane cewa makaranta ita ce hasken rayuwa, wannan larura tasa bata saka ya hakura da cimma burinshi ba. Muna fatan Allah ya yiwa rayuwar shi albarka, ya kuma saka masu larura irin tashi dama wadanda ba irin tashi ba su gane muhimmancin neman na kai da karatu.


 KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

KU BIYOMU A: https://web.facebook.com/Bzglobalservice.com.ng/

Twitter: https://twitter.com/bzglobalsevice

LATSANAN DOMIN SAMUN LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657