Rigar kowa: Wani Matashi ya mutu sa’o’i da kammala aikin NYSC a Jihar Ebonyi

ROHOTON: LEGIT.NG

A tsakiyar makon nan ne aka yi bikin yaye wasu jeringiyar matasan da su ka kammala aikin yi wa kasa hidima watau NYSC a fadin jihohin Najeriya da babban birnin tarayya Abuja.

Yayin da ake bikin yaye matasa da su ka bautawa kasarsu, Legit.ng Hausa ta samu labarin wani Bawan Allah da ya kwanta dama sa’o’i kadan bayan da ya karbi takardar shaidarsa.

Abubakar Sadiq Hassan wanda ake kira Abba, ya rasu yayin da ya ke hanyarsa ta dawo gida cikin iyalinsa. Abubakar Hassan mutumin Zariya, ya yi aikin bautar kasarsa ne a Ebonyi.

A kan hanyar dawowa jihar Kaduna daga garin Abakalili a Kudancin Najeriya, sai Abba ya fara rashin lafiya, inda aka garzaya aka kwantar da shi a wani babban asibiti a Benuwai.

Rahotanni sun ce an kwantar da Abubakar ne a babban asibiti gwamnatin da je garin Ijadoga da ke karamar hukumar Otukpa, jihar Benuwai. A wannan gado asibiti ne kuwa ya cika.

Every soul will taste DEATH😭
Abubakar Sadiq Hassan (Abba White) AKA "IJMB GURU" is my friend we finished IJMB 2012 in NUBAM zaria😭. A chemical engr. Who graduated with 2.1 in the year 2018 from ABU zaria served NYSC in ebonyi state and jst had his POP on 28/05/20. He got sick👇 pic.twitter.com/cSYWf1Tylv

— Aure_Nakeso😣😍 (@Sir__md) May 31, 2020

 Wani Baffan marigayin mai suna Isa Abbas ya bayyana cewa Abba ya kasance mai basira wanda ya fita daga jami’a da shaidar mataki na biyu watau 2:1 na Digiri a bangaren fasaha.

Marigayi Abubakar Sadiq Hassan ya karanta ilmin fasahar sinadarai ne a jami’ar Ahmadu Bello da ke Zariya daga 2014 zuwa 2018. A bara kuma ya tafi kudu domin shirin NYSC.

‘Yanuwan wannan Bawan Allah sun bukaci a sa shi a addu’ar Ubangiji ya datar da shi da aljannar Firdaus. Wasu wadanda su ka yi karatu da Abba, sun yi masa shaida ta kwarai.

Abokan karatu su kan kira Abubakar Sadiq Hassan da Abba White ko kuma "IJMB GURU" saboda bajintar da ya nuna a wajen sharan fage a makarantar Nuhu Bamalli da ke Zariya.

Shi kuma wani matashin da ya ke cikin sahun wadanda su ka karkare yi wa kasarsu bauta, ya ba mutane tausayi yayin da ya tafi kabarin mahaifiyarsa dauke da satifiket dinsa.

To his late mum, he is done.

Recently passed out corp member present his certificate to his late mum grave. 😢😢 pic.twitter.com/qA5RD1KXSP

— Kwankwason Tuwita🔴 (@baba__________) May 30, 2020

 KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com

KARANTA WASU SABBIN LABARAI ANAN: https://www.bzglobalservice.com.ng/

KU BIYOMU A: https://web.facebook.com/Bzglobalservice.com.ng/

Twitter: https://twitter.com/bzglobalsevice

LATSANAN DOMIN SAMUN LABARI TA WHATSAPP: https://chat.whatsapp.com/KKAd5L0NolZ4F6yJqdblUO

KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: https://www.appcreator24.com/app757657