Tallafin gwamnati saboda Coronavirus: An nemi buhuna 42 na kayan abinci an rasa a jihar Neja
Thursday, 23 April 2020
Comment
An karkatar da akalar tallafin gwamnati na buhunan kayan abinci 42 da aka tanada domin rarrabawa al'ummar unguwar Limawa da ke karamar hukumar Chachanga a jihar Neja. Jaridar Vanguard ta ruwaito cewa, an yi sama da fadin wannan kayan abinci da gwamnati tayi tanadinsu a matsayin tallafi ga mabukata domin rage radadin da cutar coronavirus ta jefa su ciki. Rahotanni sun bayyana cewa, bayan yin sama da fadin wannan tarin kayan abinci,
ana kuma sayar da su a fili a babbar kasuwar garin Minna da ya kasance babban birnin jihar. Kayan abincin da aka karkatar da akalarsu sun hadar da; buhunan Shinkafa 13; Gero 14; Masara 15 da kuma buhuna masu tarin yawa na Taliya. Mataimakin shugaban karamar hukumar Chachanga wanda shi ma ya fito daga unguwar Limawa, Alhaji Saidu Njaga, ya gano wasu daga cikin kayan abincin da har an kasa su a kasuwa.
Bincike na tsanaki ya sanya aka gano cewa wasu daga cikin 'yan kwamitin da aka dora wa nauyin rarraba kayan tallafi su ne suka yi sama da fadin kayayyakin abincin na al'umma. Tuni dai Alhaji Njaga ya ankarar da shugaban karamar hukumar, Alhaji Ibrahim Abubakar Bosso, a kan wannan lamari domin a ci gaba da bincike.
Tsananin takaici ya sanya ba tare da kafa wani kwamitin bincike ba, shugaban karamar hukumar ya gaggauta shigar da korafi har gaban gwamnan jihar, Alhaji Abubakar Sani Bello. Baya ga gwamnan, Alhaji Bosso ya kuma kai kokensa kunnen shugaban kwamitin kula da cutar Covid-19 a jihar, wanda kuma ya kasance sakataren gwamnatin jihar, Alhaji Ibrahim Matane.
Alhaji Bosso yana neman gwamnatin jihar ta dauki mataki cikin gaggawa dangane da wannan lamari da ya misalta a matsayin zalunci tibiran. Ana iya tuna cewa, gwamnatin jihar Neja ta bai wa Unguwar Limawa kula wa ta musamman biyo bayan samun wanda cutar coronavirus ta harba a yankin. Kawo yanzu gwamnati ta killace dukkanin al'ummar yankin wanda adadin su ya kai kimanin 500 domin gano ainihin wadanda cutar ta harba don gudun bazuwarta a sauran sassan jihar.
Yayin da manema labarai suka tuntubi shugaban karamar hukumar ta Chanchanga domin jin ta bakinsa, Alhaji Bosso bai yi wata-wata ba wajen tabbatar musu da sahihancin rahoton. Ya kara da cewa tuni har an kafa kwamitin gudanar da bincike domin zakulo dukkanin wadanda suka yi rub da ciki kan dukiyar da aka tanada domin talakawa.
KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com
KARANTA WASU SABBIN LABARAI ANAN: https://www.bzglobalservice.com.ng/
KU BIYOMU A: https://web.facebook.com/Bzglobalservice.com.ng/
KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: BZGLOBALSERVICE.COM.NG APP
ana kuma sayar da su a fili a babbar kasuwar garin Minna da ya kasance babban birnin jihar. Kayan abincin da aka karkatar da akalarsu sun hadar da; buhunan Shinkafa 13; Gero 14; Masara 15 da kuma buhuna masu tarin yawa na Taliya. Mataimakin shugaban karamar hukumar Chachanga wanda shi ma ya fito daga unguwar Limawa, Alhaji Saidu Njaga, ya gano wasu daga cikin kayan abincin da har an kasa su a kasuwa.
Bincike na tsanaki ya sanya aka gano cewa wasu daga cikin 'yan kwamitin da aka dora wa nauyin rarraba kayan tallafi su ne suka yi sama da fadin kayayyakin abincin na al'umma. Tuni dai Alhaji Njaga ya ankarar da shugaban karamar hukumar, Alhaji Ibrahim Abubakar Bosso, a kan wannan lamari domin a ci gaba da bincike.
Tsananin takaici ya sanya ba tare da kafa wani kwamitin bincike ba, shugaban karamar hukumar ya gaggauta shigar da korafi har gaban gwamnan jihar, Alhaji Abubakar Sani Bello. Baya ga gwamnan, Alhaji Bosso ya kuma kai kokensa kunnen shugaban kwamitin kula da cutar Covid-19 a jihar, wanda kuma ya kasance sakataren gwamnatin jihar, Alhaji Ibrahim Matane.
Alhaji Bosso yana neman gwamnatin jihar ta dauki mataki cikin gaggawa dangane da wannan lamari da ya misalta a matsayin zalunci tibiran. Ana iya tuna cewa, gwamnatin jihar Neja ta bai wa Unguwar Limawa kula wa ta musamman biyo bayan samun wanda cutar coronavirus ta harba a yankin. Kawo yanzu gwamnati ta killace dukkanin al'ummar yankin wanda adadin su ya kai kimanin 500 domin gano ainihin wadanda cutar ta harba don gudun bazuwarta a sauran sassan jihar.
Yayin da manema labarai suka tuntubi shugaban karamar hukumar ta Chanchanga domin jin ta bakinsa, Alhaji Bosso bai yi wata-wata ba wajen tabbatar musu da sahihancin rahoton. Ya kara da cewa tuni har an kafa kwamitin gudanar da bincike domin zakulo dukkanin wadanda suka yi rub da ciki kan dukiyar da aka tanada domin talakawa.
KU AIKO MANA DA LABARI KO SHAWARWARI KO MAGANA DAMU KAITSAYE TA ADRESHIN EMAIL: bzglobalservicelabari@gmail.com
KARANTA WASU SABBIN LABARAI ANAN: https://www.bzglobalservice.com.ng/
KU BIYOMU A: https://web.facebook.com/Bzglobalservice.com.ng/
KU SAUKE MANHAJARMU TA ANDROID APPLICATION AWAYOYINKU NA HANNU KYAUTA DOMIN SAMUN LABARAI DA DUMI DUMI: BZGLOBALSERVICE.COM.NG APP
0 Response to "Tallafin gwamnati saboda Coronavirus: An nemi buhuna 42 na kayan abinci an rasa a jihar Neja "
Post a Comment
Tell us what you think about this article?